Já kæru samnemendur, heill hellingur af æðislega skemmtilegum nýnemum byrja í MH í haust!

MH var bilaðslega vinsæll í ár, tæplega 800 nýútskrifaðir 10.bekkingasnillar sóttu um í skólann okkar, þar af settu 342 MH í sitt allra fyrsta val.

Í haust byrja 280 nýnemar í skólanum og við getum ekki beðið eftir því að fá að kynnast þeim!

Til þess að bjóða nýju busana okkar velkomna héldum við í stjórn nemendafélagsins busahitting á vegum NFMH á Klambratúni. Þar var boðið upp á gosdrykki og súkkulaði í sólinni og við fórum í allskonar leiki til þess að kynnast betur. Hittingurinn heppnaðist frábærlega og ég er hrædd um að þessi árgangur af MH-ingum verður einn sá besti sem skólinn hefur séð! Myndbandabúi kíkti við til þess að taka upp þessa gríðarlegu stemningu og taka viðtöl við krakkana og þau eru vægast sagt ánægð með útkomuna. Myndbandið má sjá á Youtube rás Myndbandabúa þegar vinnslu er lokið.

Sjáumst að sumri loknu og verið hjartanlega velkomin í MH kæru busar!