Alma Mjöll Ólafsdóttir | 08.02'10
Tónlist, leikmynd, búningar og smink.
Ef eitthvað af ofangreindum orðum snerti hluta af sál þinni eða einfaldlega vakti hjá þér athygli bendi ég þér á að sækja um starf tónlistastjóra, leikmyndahönnuðar, búningameistara eða sminkara fyrir LFMH 2010. Athugið að ekki er aðeins einn sem sinnir hverju starfi.
Okkur vantar bráðgáfað og hugmyndaríkt fólk til þess að sinna þessum störfum og ef þú hefur áhuga sendu okkur línu á leikfelag@nfmh.is varðandi hæfni þína og áhuga. Þar sem fólk hefur sótt um í nokkurn tíma núna lýkur umsóknar frestinum næstkomandi föstudag kl 20:00.
Enga feimni , koma svo!
-LFMH.
Alma Mjöll Ólafsdóttir | 08.02'10
Fjáröflunar BINGÓ LFMH!
Mig langaði nú bara að minna ykkur á Bingó-ið sem haldið verður í stóra sal á morgun kl 19:00. Við í leikfélagsstjórn vonum að sem flestir sjái sér fært um að mæta ekki bara uppá það að við erum fégráðugir peningaplottarar heldur viljum við eiga gæða bingó stund með ykkur kæru samnemendur ( þó svo að peningarnir komi sér ekki illa).
Bingóspjaldið kostar 300 og tvö saman 500 kr. Veitingar verða seldar á virkilega viðráðanlegu gúrmé lágvöruverði en allur ágóði rennur í uppsetningu LFMH á leikriti aldarinnar sem frumsýnt verður 12. mars.
Vonumst til að sjá sem flesta!
Kv. LFMH.
Elín Elísabet Einarsdóttir | 08.02'10
Smásagna- og ljóðasamkeppni Beneventum
Ritlistamenn skólans, látið í ykkur heyra!
Jóhann Kristófer Stefánsson | 08.02'10
Ljósmyndakeppni í febrúar
Ljósmyndakeppni á vegum Myrkrahöfðingja NFMH verður haldin í MH í febrúar. Umsóknarfrestur rennur út á miðnætti þann 17. febrúar, eða fyrsta dag Lagnó. Þemað í ár er 'Eirðarleysi' og verða Top 10 myndirnar prentarðar út og hengdar upp á Matgarði.Veitt verða verðlaun fyrir bestu þrjár myndirnar föstudaginn 19. febrúar.
Dómararnir eru nú ekki í verri kantinum en það eru þeir Jói Kjartans, Heiðar Kristjánsson (ljósmyndari hjá Morgunblaðinu) og Hörður Sveinsson.
Þátttakendur geta sent eina mynd (helst í góðri upplausn) og látið nafn sitt fylgja með á photo@nfmh.is
Kv. Myrkrahöfðingjar NFMH.
Lárus Jón Björnsson | 07.02'10
NEMENDUR vs. kennarar vika
Hversu oft hefur ykkur langað að öskra á kennarana? Hversu oft hafið þið hugsað: "nei [nafn á kennara], ónei". Við í stjórninni eru orðin hundleið á þessu og því skoruðum við á kennarana í nokkrar keppnir.